С.Одонтуяа: УИХ-ын гишүүдийн тоог олон болгох хэрэгтэй

Үндсэн хуулийн нэмэлт, өөрчлөлтийн төслийг хэлэлцэж эхэлсэнтэй холбогдуулан УИХ-ын гишүүд байр сууриа илэрхийлж эхэллээ.  Тэдний хувьд УИХ-ын гишүүдийн тоог олон болгох нь зүйтэй гэдэгт  олонхоор санал нэгдэж байна. Харин тоог нэмэгдүүлээд хэд  хүргэх тухайд харилцан адилгүй байр суурь илэрхийлж байгаа юм. Тухайлбал,  АН-ын  дэд дарга С.Одонтуяа “УИХ-ын гишүүдийн тоог 152 болгоно гэдэг хэт өндөр байна. Харин  харин 108 болговол дэмжинэ.УИХ-ын гишүүдийн тоог нэмэх үндэслэлээ  “Олон гишүүнтэй болчихвол авлигад автахгүй”   мэтээр  тайлбарлаад байна.  Энэ шалтгаанаар тоог нэмж болохгүй. Гагцхүү  холимог тогтолцоог оруулж ирээд Үндсэн хуульдаа  хийх гэж байгаа гэдэг шалтгаанаар энэ өөрчлөлтийг би дэмжиж байна. Миний хувьд холимог тогтолцоог явуулахын төлөө шинэ парламент бүрдэхээс авхуулаад ажилласан. Ерөнхийдөө  УИХ-ын гишүүн Т.Доржханд бид хоёрын санаачилгаар Үндсэн хуулийн өөрчлөлт эхэлсэн. Төлөөллийн ардчиллыг хэрэгжүүлэх үүднээс, эмэгтэйчүүдийг олон болгохын тулд  холимог тогтолцоог оруулж ирэх шаардлагатай.  УИХ-ын гишүүдийн тоо 76 байгаа нь үнэхээр бага.  Гэхдээ нэмлээ гэхэд 100, 108 орчим байхад болно гэж  үзэж байгаа” гэлээ.