Монголбанкны "ДААМ" гарсан дарга нарыг хэзээ цэгцлэх вэ Б.Лхагвасүрэн ерөнхийлөгч өө?

Одоогоос яг хоёр жилийн өмнө их хурлын индэр дээрээс Монгол Улсын Ерөнхий сайд Лувсаннамсрайн Оюун-Эрдэнэ Төв банкны газар хэлтсийн гаарсан дарга нарыг сэрэмжтэй байхыг сануулсан.

Тиймээ, улсын мөнгөний бодлогыг барих мөртөө өөрсдөө ашиг олох зориулалттай Банк бус санхүүгийн байгууллагатай байгааг нь ерөнхий сайд ил болгож багийг нь хуулсан.

Тэгвэл бүр гэр бүлийн хүн нь банк бус санхүүгийн байгууллагын гүйцэтгэх захирлаар ажилладаг эрхэм төв банкны мөнгөний бодлогын газрын захирлаар ажиллаж байна.

Танилц түүнийг Б.Баярдаваа гэдэг.  Монгол банкны мөнгөний бодлогыг өнгөрсөн арваад жил атгаж байсан Б.Баярдаваа нь Монголбанкны ерөнхийлөгч асан Батсүхийн хүргэн. Харин төв банкны ерөнхийлөгчөөр ажиллаж байсан А.Батсүхийн хувьд хувьдаа Начин заан гэх ломбардтай байсан гээд баахан баалуулсан. Одоогоос бараг 15 жилийн өмнө үйл ажиллагаа явуулж байсан Начин заан ломбард нь өдгөө “Начин заан”, “Илланай” гэх хоёр ч банк бус санхүүгийн байгууллага болтлоо өргөжжээ.

Төв банкыг гартаа барьж байсан ерөнхийлөгч асан А.Батсүхийн эхнэр Ж.Туяа нь дээрхи хоёр банк бус санхүүгийн байгууллагын эцсийн өмчлөгч нь юм.

Харин Б. Баярдаваагийн хувьд тус банк бус санхүүгийн байгууллагатай хамааралгүй гэж хэлэх боломжгүй. Яагаад гэвэл түүний гэргий нь өдгөө “Начин заан” Банк бус санхүүгийн байгууллагынх нь гүйцэтгэх захирлаар ажиллаж байна. Өөрөө банк бус санхүүгийн байгууллагыг хянадаг зөвшөөрөл олгодог албан тушаал дээр нь байгаа мөртөө өнөөх банк бус санхүүгийн байгууллагатайгаа холбоотой ийм л дарга нарын асуудлыг Ерөнхий сайд Лувсаннамсрайн Оюун-Эрдэнэ хөндсөн гэж ойлгогдоно.