О.Гэрэлт-Од: МЗХ-ны байрыг хүүхдийн эмнэлгийн зориулалтаар ашиглуулахад татгалзах зүйлгүй, дэмжинэ
Монголын Залуучуудын Холбоо/МЗХ/-ны ерөнхийлөгч О.Гэрэлт-Од өнөөдөр холбооныхоо өмч хөрөнгийн асуудлаар мэдээлэл хийлээ.
Тэрбээр "МЗХ-ны өмч хөрөнгөтэй холбоотой шалгалт хийх асуудал өчигдөр Засгийн газрын хуралдаанаар яригджээ. Үүнийг талархан хүлээж авч байна. Дээрээс нь З.Энхболд Төрийн Өмчийн Хорооны дарга байх үед Монголын Хувьсгалт Залуучуудын Эвлэлийн 200 гаруй объект хувьчлагдсан талаар дахин шалгаж өгөх хүсэлтийг Засгийн газарт тавьж байна.
Мөн МЗХ-ны байрыг хүүхдийн эмнэлэг болгох тухай санаачилга олон нийтийн сүлжээнд гарсан. Үүнтэй холбоотойгоор МЗХ-ны байрыг уг зориулалтаар ашиглах боломжтой эсэх тухай дүгнэлт гаргаж өгөх хүсэлтийг энэ сарын 5-ны өдөр Нийслэлийн Мэргэжлийн Хяналтын Газарт илгээсэн. Хэрэв болно гэх дүгнэлт гарвал уг зориулалтаар ашиглуулахад татгалзах зүйлгүй, дэмжинэ" гэлээ.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна