Нөмрөг, Минжийн хангайд Ц.Элбэгдоржоор гахай шүршүүлсэн хүн УИХ-ын гишүүн Ц.Сэргэлэн үү?

Хууль зүй, дотоод хэргийн сайд Х.Нямбаатар Хөвсгөл аймагт ажиллахдаа нисдэг тэрэг хөлөглөсөн талаар твиттерт шүүмж өрнөсөн. Тэгвэл тэрээр уг шүүмжийн хариуд Ц.Элбэгдорж шиг Азаргын голд шалдан хүүхнүүдтэй зугаалаагүй. Нөмрөг, Минжийн хангайд онгоцоор нисэж пулемётоор амьтан хядаагүй, ажлаа хийж яваад ирсэн гэлээ. 

Түүний ярьж буй хэргийн талаар Шуурхай.мн дээр 2012 онд ийн нийтлэгдэж байжээ. / Энд дарж уншина уу/

Тус нийтлэлд Ц.Элбэгдорж Минжийн хангай руу нисдэг тэрэг хөлөглөн бас л ан ав хийж байгаад ирсэн гэнэ. Түүнийг зугаацуулах ажилд манай дарга нар ч гар таталгүй оролцжээ. Минжийн хангай руу нисдэг тэрэг хөлөглөсөн энэ ан авд Хилийн цэргийн штабын дарга, бригадын генерал Ц.Сэргэлэн /одоогийн УИХ-ын гишүүн/, Зэвсэгт хүчний АДХЦ-ийн командлагч, бригадын генерал Т.Дашдэлэг нар оролцсон гэнэ. Тэдний ан ав хийхээс гадна Минжийн хангайд нисдэг тэргээр очоод Буур, Минжийн голд загасчилсан хэмээн учир мэдэх хүмүүс ярьцгааж байна. Т.Дашдэлэг генералын хувьд одоогоос хоёр жилийн өмнө буюу 2010 оны 3 сарын 18-нд Ц.Элбэгдоржоос бригадын генерал цол авсан, түүний талын хүн. Хилийн цэргийн штабын дарга, бригадын генерал Ц.Сэргэлэн ч гэсэн Ц.Элбэгдоржийн хамгийн итгэлт найзуудын нэг гэж бичжээ.